هەوڵدانی ئیسپانییەکان بۆ دەست بەسرداگرتنی نیشتیمانی عەرەبی بۆ پێش ڕزگارکردنی ئەندەلوس دەگەڕێتەوە، لەساڵی ١٤٩٢ی.ز لە دەست موسڵمانەکان.
لەم ساڵەدا (١٤٩٢ی.ز) دەوڵەتی ئەراگۆنی ئیسپانی هەوڵی ئەوەیدا بگاتە دەریای ناوەڕاست و هێزە دەریاییەکان بۆ داگیرکردنی کەنارەکانی میسر و شام نارد و هەوڵیشیاندا لەگەڵ حەبەشیەکاندا ببنە هاوپەیمان.
دوای یەکگرتنی هەردوو شانشینی قشالە و ئەراگۆن و ڕووخاندنی غەرناتە چالاکی ئیستیعماری زیاتر بوو.
ئیسپانییەکان دەیانوست دەست بەسەر سەرچاوە سەرکییەکانی سامانی عەرەبدا بگرن و ڕێگای هاتووچۆی بارزگانی نێوان خۆرهەڵاتی دوور و ئەورووپاش کە ماوەیەک بەدەست موسڵمانانەوە بوو، بخەنە ژێر دەسەڵاتی خۆیانەوە.
شێوازی پەلاماری ئیسپانییەکان بۆ خۆرئاوای عەرەبی ڕوخسارێکی ئایینی و ئیستیعماری بەخۆوەوە گرتبوو، چونکە کەنیسە دەستی هەبوو لە هاندان و گوشار خستنە سەر ئیسپانییەکان تا سوپا و کەشتیەکانیان بۆ داگیرکردنی خۆرئاوای عەرەبی ئامادە بکەن. (پاپا)ش فەرمانێکی دەرکرد، کە تیایدا مافی ئەوەیدا بە پادشای ئیسپانیا (فردیناند) و (ئیزابیلا)ی ژنی، کە دەست بەسەر هەموو ئەو زەویانەدا بگرن کە داگیری دەکەن، هەروەها بەیاننامەیەکی دەرکرد تیایدا داوای خێر و خۆشی بۆ ئیسپانییەکان کرد لە هەوڵ و تەقاڵاکانیاندا بۆ داگیرکردنی باکووری ئەفریقیا.
چ کاردانەوەیەکت هەیە، بەرانبەر، ئەم پۆستە؟👇
