ئیبن سیرین دەڵێ: بینینی بلۆق لە خەودا، ماڵە.
ئەگەر بینی لەسەر جەستەی پۆرگ و بلۆق پەیدا بوو، بە قەدەر ئەو بلۆقە، ماڵ و سامانی دەست دەکەوێ، بەتایبەت ئەگەر لەناو ئەو بلۆقە، چڵک و پیسی ببینێ، ئەوا ماڵێکی زیاتری دەست دەکەوێ.
ئیبراهیمی کرمانی دەڵێ: ئەگەر بینی بلۆق لەسەر لەشی هەبوو و ئازاری دەدا، واتە بە ئەندازەی ئەو بلۆق و ئازارە، ماڵی حەڵاڵی دەست دەکەوێ.
ئەگەر بلۆقەکە ئازاری نەدەدا، واتە ڕوو دەکاتە ماڵی حەرام.
ئیمام جەعفەری سادق دەفەرمێ: بینینی بلۆق لە خەودا، پێنج لێکدانەوەی بۆ دەکرێت.
یەکەم: ماڵ و سامانی زۆر دەبێ. دووەم: ژنێکی بەکەڵک دەخوازێ. سێیەم: کوڕی دەبێ. چوارەم: خواست و ئاواتەکانی دێنە دی. پێنجەم: دوور دەبێ لە خەم و خەفەت.
ئەگەریش بلۆقی بە هەموو گیانیەوە بینی، ئەوا هەر پێنج خاڵەکەی لێ بەدی دەکەوێ.
چ کاردانەوەیەکت هەیە، بەرانبەر، ئەم پۆستە؟👇
