ئاوی لیمۆ بەسوودە بۆ خۆپاراستن لە نەخۆشی لە وەرزی زستاندا، تێکەڵەیەک لە ئاوی لیمۆی تازە و ئاوی گەرم باشترین خواردنەوەیە بۆ خۆپاراستن لە ئەنفلۆنزا لە وەرزی سەرمای ساڵدا. بەڵام سوودەکانی تری لیمۆ بەم شێوەیەن:
باشترکردنی سیستەمی بەرگری لەش:
لیمۆ دەوڵەمەندە بە ڤیتامین سی و پۆتاسیۆم. ڤیتامین سی دەتوانێت سیستەمی بەرگری لەش لە بەرامبەر هێرشی ڤایرۆسی ئەنفلۆنزا زیاد بکات و بەهێزی بکات، پۆتاسیۆمیش لە بەرامبەردا یارمەتی کارکردنی مێشک و دەمارەکان دەدات و پەستانی خوێن کۆنتڕۆڵ دەکات.
باشترین ڕێجیم:
خواردنەوەی ئاو لەگەڵ لیمۆ نەک تەنها پرۆسەی دابەزاندنی کێشت خێراتر دەکات، بەڵکوو جەستەت پاک دەکاتەوە لە ژەهرەکان و وزەت زیاد دەکات، بە هەبوونی پێکتین لە لیمۆدا، ئارەزووی خواردن کەم دەبێتەوە. بۆیە باشتر وایە لەکاتی ڕێجیمدا بۆ دابەزاندنی کێشت، لە خواردنی لیمۆ کەمتەرخەم نەبیت.
پەڵەی پێست لەناو دەبات:
ڤیتامین سی لە لیمۆدا دەبێتە هۆی کەمکردنەوەی چرچی و پەڵەی پێست. ئاوی لیمۆ بەسوودە بۆ نەهێشتنی ئەو ژەهرانەی کە دەبنە هۆی ناتەندروستی پێست.
قورگ ئێشە لەناو دەبات:
باشترین دەرمان بۆ ئازاری قورگ لیمۆیە. کەوچکێک ئاوی لیمۆی ترش بخەرە ناو نیو پەرداخ ئاوەوە و غەرغەرەی پێبکە، ئەستووری قورگ و ئازاری قورگت کەم دەکاتەوە.
چ کاردانەوەیەکت هەیە، بەرانبەر، ئەم پۆستە؟👇
