بەشی پێنجەمی خەوننامەی کوردی؛ بەشی ئەلف؛ ئارەقە:

ئیبن سیرین دەڵێ: ئەگەر بینی ئارەقە بە لەشیدا هاتە خوارەوە، نیشانەی ئەوەیە بە قەدەر ئارەقەکە، پارە و سامانەکەی کەم دەکات، بەتایبەت ئەگەر ئارەقەکە کەوتە سەر زەوی.

ئەگەر دیتی جلەکانی بە ئارەقە تەڕ بوو، نیشانەی ئەوەیە کە بەقەدەر ئەو تەڕ بوونە، ماڵ و سامانەکەی دەدات بە خزم و کەسەکانی.

ئەگەر دیتی ئارەقەکەی سپی بوو و بۆنی خۆش بوو، واتە پارە و سامانی حەڵاڵی دەست دەکەوێت.

ئەگەر بە پێچەوانەی ئەمەی بینی، نیشانەی ئەوەیە ماڵ و سامانی یاساغی (حەرامی) دەست دەکەوێت.

ئەگەر نەخۆشێک لە خەویدا دیتی ئارەقەی کردووە، شیفای بۆ دێت و نەخۆشییەکەی بە تەندروستی دەگۆڕێت و دەگات بە مرزای دڵی.

چ کاردانەوەیەکت هەیە، بەرانبەر، ئەم پۆستە؟👇